Младиот продуцент Алекса Балашевиќ, синот на Ѓорѓе Балашевиќ ја запроси својата девојка Николина во Израел, за што долго чекал дозвола.
За нивниот приватен живот ретко се зборува, па така и малкумина знаеја дека Алекса е во долгогодишна среќна врска со Николина, но за магазинот „Глорија“, тој ги раскажа деталите.
– Шест месеци чекав благослов од Ерусалемската патриархија и во Назарет, во манастириот Николаја маченик, не венча епископот Романос и тоа баш на Светиот Петок. Го чекав долго тој благослов, бев на пост и молев за едно вакво убаво случување. Свршувачката е направена и од тогаш го носам прстенот. Сега чекаме благослов за венчкавка, односно брачна тајна. Би сакал црквената венчкавка да биде во Светата земја. На луѓето во денешно време ова можеби им е необично, бидејќи денеска има се помалку венчавки во црква – изјавил Алекса Балашевиќ.
Младиот Алекса од 2012 година е репрезентативец на Србија во борење. Сепак, Алекса не го заобиколи ниту музичкиот ген.
– Многу пишувам музички текстови во слободно време, кои навистина сакам и знам да напишам, но искрено никогаш не би наплатил. Честопати сум зборувал со татко ми да напишеме заедно некоја песна посветена на српскиот спорт и спортисти, па може и да се случи тоа – рекол младиот Балашевиќ за „Блиц“.
