21.8 C
Скопје
07:50 - 24 јуни, 2024

Познат новинар исчезна на грчки остров, полицијата се сомнева дека паднал од карпа: „Сакаше пеш да се врати од плажа…“

Мајкл Мосли (67), британски новинар популарен по емисијата „Верувај, ми, јас сум доктор“ (Trust Me I’m a Doctor) која се емитува на Би-би-си, исчезнал на грчкиот остров Сими кадешто бил на одмор со сопругата и пријатели.

Според грчките медиуми, во тек е неговото пронаоѓање. Трагата му се изгубила во пред два дена, поточно во среда попладне, но се чекало 24 часа за да се пријави случајот на изчезната личност.

Мосли на островот бил на одмор заедно со неговата сопруга и пријатели, а според медиумите, во средата попладне му се изгубила трагата, додека случајот беше објавен вчера попладне.

Веднаш откако било пријавено дека 67-годишниот новинар не се вратил во хотелот каде што престојувал, започнала и потрагата на полицијата со дрон и хеликоптери, како и волонтери од островот.

Во средата, Мосли, заедно со сопругата и уште еднa двојка, како што пишуваат медиумите, со чамец заминале на плажа, по што новинарот одлучил да се врати сам, пеш, во време кога на островот било жешко, а температурата била 40 степени Целзиусови.

– Жештината беше неподнослива и лесно може да ти се слоши во такви услови. Сакаше пеш да се врати од плажа, но ова е растојание од околу час и половина и можеби користел одредени патеки за да го пресече патот – рече градоначалникот на Сими Лефтерис Папакалодукас за „Катимерини“.

Според истите информации во медиумите и Мосли и неговата сопруга не ги носеле со нив мобилните телефони.

Сими е мал остров во јужниот дел на Егејското море, во близина на Родос и има нешто повеќе од 2.500 жители.

Слични објави

Среќна недела: Три хороскопски знаци кои ќе имаат среќа во новата недела

еспресо

Нови шокантни детали за смртта на Метју Пери: Полицијата испитува славна жена под сомнеж за поврзаност со случајот

еспресо

(Фото) Се огласи Јелена Карлеуша во екот на разводот со Душко: „Не можат да се купат три работи во животот, а тоа се…“

еспресо

(Фото) Средба на принцот Вилијам со Тејлор Свифт: „Кошмар зад сцената“, еве ги деталите

еспресо

Сузана Манчиќ отворено за Карлеуша: Таа е безобразна, паметна и дрска жена, не знам ниту една нејзина песна

Еспресо

(Фото) Сите му завидуваат на Огњен Амиџиќ со каква убавица се ожени: Мина во тигрест фустан во ноќно изглегување

Еспресо
Се вчитува....