Иако заедничкиот живот понекогаш изгледа како логична одлука, потребно е добро да размислите пред овој важен чекор.
За да бидете сигурни дека навистина сте подготвени да се вселите со партнерот, мора да поминете низ овие три чекори.
Поделба на домашните обврски
Ако вие сте многу чиста и уредна личност, сигурно нема да ви биде драго да видите расфрлана облека по подот, валкана даска на ВЦ школката, нечиста кујнска маса и слично. Договорот околу поделбата на домашните обврски е важна ставка за која мора да поразговарате со партнерот, да поставите свои правила и да му дозволите и нему да постави свои. На крајот на денот, се вселувате заедно, за да бидете посреќни и позадоволни, а не обратно.
Разговор за парите
Ако ги делите сите трошоци на пола, ги ставате парите во заеднички буџет или функционирате по системот „оној кој повеќе заработува повеќе допринесува“. Кога станува збор за парите, споделувањето на истите и плаќање на сите животни потреби се меѓу најважните ставки преку кои мора да поминете за да знаете на што сте и што може да очекувате. Важно е да постигнете договор кој ви одговара и вам и на вашиот партнер, за подоцна да немате непотребни несогласувања околу тоа.
Заеднички живот пред или после брак – да или не?
Можеби воопшто не планирате да стапите во брак, а можеби моментално тоа ви е приоритет. Било како, размислете кога е најсоодветно време за вас да се вселите со партнерот и што е она што ќе го усреќи него, а што вас. Ако не сакате да пробате заеднички живот пред брак, бидејќи негувате одредени традиционални врдности, разговарајте со партнерот за тоа и објаснете му ги сите ваши ставови. Присилните одлуки никогаш не донеле нешто позитивно.
