Во летото 2025 година љубителите на реалните шоуа зборуваа за фаталниот Словенец кој на голема врата влезе во британската верзија на реалното шоу „Love Island“ и ја освои публиката уште на прв поглед. 28-годишниот Борис Видовиќ се истакна како еден од најзгодните кандидати во 12. сезона, а неговата појава, самодоверба и беспрекорен стил го направија вистински магнет за погледи и воздишки кај гледачките.
Во шоуто влезе како дел од концептот „Casa Amor“, ексклузивна вила наменета за внесување немир во веќе постоечките односи.
И покрај релативно краткиот престој во вилата, популарноста на Борис воопшто не избледе. Напротив, неговиот статус на заводник само дополнително се зацврсти, а неговата приказна покажува колку напнати, забавни и непредвидливи љубовни моменти може да донесе едно реално шоу.
Атрактивниот Борис на Инстаграм денес го следат повеќе од 52 илјади луѓе, а коментарите под неговите објави редовно се исполнети со комплименти за неговиот изглед и харизма.
Иако како млад потпиша дури два професионални фудбалски договори, Борис сепак одлучи кариерата да ја гради во светот на моделингот. Кога не снима модни кампањи, слободното време го поминува планинарејќи или пеејќи, а неговиот живот се одвива на релација меѓу родната Љубљана и Дубаи.
View this post on Instagram
