Водителот Мирослав Кацаров сподели редок и емотивен момент од приватниот живот, објавувајќи слика со својот син Тадеј, кој се роди во ноември минатата година.
На фотографијата, Миро го држи малиот Тадеј во прегратка на мотор. „Јас и ти татин син“, напиша водителот до сликата.
Инаку, Мирослав е во брак со Ивана, со која заедно го уживаат најубавото животно поглавје – родителството. Името Тадеј има посебно значење и во превод значи храбро срце. Ивана од првиот брак ја има ќерката Миа, а Миро вели дека ја сака како да му е биолошка ќерка.
Кацаров во неколку наврати рече дека ја запознал Миа кога имала две и пол години, и оттогаш ја сака и ја чува како да е негова.
Инаку, Миро и Ивана се запознале во ноќен клуб во Скопје и си се бендисале од прва. По само неколку месеци почнале да живеат заедно.
