Македонската водителка и инфлуенсерка Јелена Спенџарска сподели интересна случка што ѝ се случила додека се возела со такси во Скопје.
Непосредно пред да плати за возењето, таксистот ја изненадил со стара фотографија на која двајцата позираат заедно. Спенџарска првично помислила дека фотографијата е направена пред повеќе од 15 години, но подоцна открила дека нивната средба се случила пред точно 13 години.
Како што раскажа, возачот некогаш бил член на музичката група „Шутка Рома Рап“, со која таа направила интервју во Старата скопска чаршија.
„Моите такси авантури продолжуваат…
Пред да платам, таксистот ми покажа слика од нас двајца пред повеќе по 15 години.
Тој беше дел од една музичка група која веќе не постои, ШУТКА РОМА РАП, им правев интервју во чаршија, беа атракција на времето“, раскажа Спенџарска на Инстаграм.
По неочекуваната средба, Јелена успеала да го пронајде и старото интервју, по што сфатила дека било снимено пред 13 години.
„БОЖЕ ГОСПОДЕ, ГО НАЈДОВ ИНТЕРВЈУТО, ПРЕД ТОЧНО 13 ГОДИНИ БИЛО!
Јас изгледам скоро, па исто, така? Освен гласот што ми е сосема различен“, напиша таа, споделувајќи и дел од снимката од интервјуто.
