Познатата хрватска спортска новинарка и водителка Фани Стипковиќ (43) повторно го привлече вниманието на јавноста, овој пат со бајковити сцени од нејзиниот одмор во Обединетите Арапски Емирати. Таа им откри на своите следбеници на социјалните мрежи дел од атмосферата од Дубаи, каде што ужива во сонцето и романтичните моменти.
Во својата најнова објава, Фани сподели серија фотографии на кои се гледа спектакуларната панорама на Дубаи, вклучувајќи поглед на познатиот вештачки архипелаг Палм Џумеира. Во описот на фотографиите, 43-годишната новинарка кратко и емотивно порачала: „Сонце на хоризонтот, Дубаи во позадина, вистинското друштво покрај мене“, јасно алудирајќи на својот сопруг, легендарниот поранешен фудбалер Фернандо Јеро, кој ѝ прави друштво на ова патување.
View this post on Instagram
Двојката, која вообичаено живее во Мадрид, изгледа посреќна од кога било. Фани избрала лежерна, но елегантна комбинација од фармерки и бела туника за дневната верзија, додека вечерните излегувања ги зачини со софистицирани фустани кои ја истакнуваат нејзината витка фигура. Не ја пропуштила ниту можност да тренира, со што уште еднаш ја потврдила својата посветеност на здравиот начин на живот и фитнес, што е видливо и на фотографиите од плажа.
Откако нивната врска стана јавна во 2022 година, и по раѓањето на нивниот син на крајот на 2023 година, Фани и Фернандо уживаат во семејниот живот, а ова бегство во потоплите краишта изгледа како совршен одмор од секојдневните обврски.
View this post on Instagram
Обожавателите ја преплавија објавата со позитивни реакции, не штедејќи комплименти за нејзиниот изглед.
„Изгледаш многу убаво, ми се допаѓа што те гледам толку среќна“, е само еден од бројните коментари.
