Доколку не сте ги гледале, сигурно сте слушнале за „Чарлиевите ангели“. Холивудските актерки Камерон Дијаз, Дру Баримор и Луси Лу, заедно беа дел од ова филмско остварување од 2000 година.
Овие три славни актерки повторно се собраа, а повод за тоа било што Луси Лу добила своја ѕвезда на Патеката за славни во Холивуд.
Поминаа дури 19 години, а тие три позираа прегрнати, покажувајќи дека нивниот однос не се сменил со текот на годините и дека и понатака прекрасно се согласуваат.
„20 години од оваа тројка! Се сакаме и се поддржуваме една со друга. Секогаш ќе биде така. Честитаме на нашата девојка која доби своја ѕвезда на Патеката на славните“, напиша Дру на својот инстаграм-профил.
