Принцот Вилијам и војвотката Кејт Мидлтон имаат навидум хармоничен и среќен брак. Секогаш се насмеани, задоволни, блескаат каде и да се појават. Сепак, јавноста е веќе добро запознаена, преку медиумите, со аферата на принцот која се случила пред неколку години.
Иако нивниот брак изгледа идилично, медиумите тврдат дека не е сè така бајковито како што изгледа кога ги гледаме на фотографиите. Кејт пак, никогаш не зборувала за нивните проблеми во врската.
На самиот почеток на бракот Вилијам сè уште ја слушал и се гледал со својата поранешна девојка Џек Крег, а Кејт била многу љубоморна и лута поради тоа. Во тоа време принцот постојано одел на забави, пиел, а поради лошите навики на кратко раскинал со Кејт, која не издржала.
Сега пак, актуелни се „протечените“ докази дека Вилијам ја изневерувал Кејт во овој период, која знаела за тоа, но се надевала дека тој ќе се промени. Денес тој е поинаков човек, но всушност тоа не било секогаш така. Блиски извори денес тврдат дека Џек и Вилијам „биле многу блиски, дека дури оделе заедно на кратки патувања и дека Кејт во тоа време била сама дома“.
Друга афера за која многу се пишуваше, а и се уште се споменува и допрва реоткрива, е аферата со маркизата Роуз Ханбери, која исто така била и блиска пријателка на Кејт.
Блиски извори денес тврдат дека нивната афера се случила токму во времето кога Кејт била бремена со принцот Луј. Кејт тогаш се чувствувала ужасно, бидејќи не можела да прифати дека нејзините деца еден ден ќе ги прочитаат сите тие вести за нивниот татко. Но, Вилијам брзо успеа да ги среди работите со медиумите и да ги прикрие и прекине понатамошните шпекулации, но немал никакво влијание на социјалната мрежа Твитер, каде шпекулациите продолжиле.
Никој од кралството јавно не проговори за аферата, ниту пак негираше.
Кејт повеќе не се дружи со маркизата и неволно оди на настани каде што е и таа присутна.
Која е вистината и колку од неа ќе дознае јавноста, времето ќе покаже.
