Бојадисувањето на јајца на некласичен начин, со ефект на мермер, може да биде многу елегантно решение.
Мермерниот ефект можете да го добиете со помош на вода и лакови за нокти, а нијансите ќе ги изберете во зависност од боите кои ќе преовладуваат на празничната трпеза. Одберете нежни или весели нијанси, но и црно-белата комбинација изгледа многу елегантно.
Измешајте во пластична чаша со вода една по една боја и додека се уште „пловат“ на површината, натопете го јајцето за бојата да ја прифати на себе. Резултатот е – ефект на мермерно ишарана површина.
Натопеното јајце во чашата, внимателно извадете го и оставете да се исуши. Потоа наредете ги јајцата во соодветен елегантен сад.
Видеото ве води во постапката чекор по чекор.
