Оваа класична француска торта со мед често се опишува како спојка помеѓу леб и десерт. Станува збор за специјалитет од Дижон, за кој се верува дека потекнува од Кина, каде слична зачинета торта била направена во 10 век. Во Франција, за прв пат се појавила во 1711 година и била особено популарна во Реимс и Дижон.
По крајот на Втората светска војна тортата ретко се наоѓала во француската кујна, но набрзо ја вратила својата популарност. „Pain d’épices“ може да се направи со мед, ‘рж или пченично брашно (во зависност од регионот) и зачини како што се кардамон, анасон, цимет, морско оревче и каранфилче.
Обично се пече во форма на леб и се служи со солени јадења, како „ foie grass“ или гурмански сирења. Сепак, исто така често се вклучува или се служи заедно со класичните француски десерти. „Pain d’épices“ може да се најде на традиционалните пазари, каде што обично го продаваат трговците со мед, или во класичните француски слаткарници.
ВО МАКЕДОНИЈА, КАКО ВО ЊУ ОРЛЕАНС: Пудинг од стар леб – Декадентен рецепт со долга историја!
Потребни состојки:
- 170 мл вода
- 250 гр мед
- 250 гр ‘ржано брашно
- 50 гр кафеав шеќер
- 1 лажичка сода бикарбона
- 1/2 лажичка сол
- 1 лажичка мелен цимет
- 1 лажичка мелен ѓумбир
- 1 лажичка мелен анасон
- 1/2 лажичка мелено каранфилче
- 1/2 лажичка мелено морско оревче
View this post on Instagram
Метод:
1. Загрејте ја рерната на 180 °C. Загрејте вода во тенџере. Откако ќе се загрее, истурете го медот и добро измешајте додека целосно не се раствори.
2. Во сад измешајте ‘ржано брашно, кафеав шеќер, сол, сода бикарбона и зачини. Постепено додавајте вода и мед и мешајте додека не добиете мазна, хомогена паста.
3. Истурете го тестото во нелеплива тава за леб, силиконски калап за колачи или намрсете ја тавата за леб и ставете хартија за печење. Ставете го тестото и спуштете ја температурата на рерната на 150 °C. Печете 50 минути до 1 час, во зависност од вашата рерна. Доколку е потребно, оставете го подолго да се испече целосно.
ВО МАКЕДОНИЈА, КАКО ВО СЕВЕРНА АМЕРИКА: Пита од тиква – Есенската кралица
