Некогашниот рапер Никола Угриновски – Угро сподели интересна приказна за неговата ќерка која се забавувала во еден ноќен клуб.
Ќерката на Угро пеела негов хит, поточно песната „Знам дека си ти“ која е стара речиси трисет години. Споделувајќи го ова видео, Угро напишал: „Чудно е кога твое дете пее твоја песна во клуб, 28 години откако е направена“.
Инаку, тој веќе неколку години живее надовор од Македонија, насекаде низ светот, затоа што работи на брод, но често доаѓа дома.
Угро сега има 53 години и е татко на две ќерки, кои со својата мајка живеат во Скопје. Времето со нив го поминува кога се престојува во Скопје.
Многу работи се сменија, вели Угро, дури и локацијата, која што често ја менува крстосувајќи работно на брод, каде пред 11 години, реши да замине од Македонија и музичката кариера и продукцијата да ги замени со работа со која може да обезбеди удобен живот за своите ќерки.
Тој во една прилика за „Слободен печат“ рече дека постои мислење дека причината на неговото професионално „згаснување“ е разделбата со сопругата и другите тешки околности што го натерале да ја напушти државата.
„Во одреден момент, фудбалерот ќе ги стави своите копачки на ѕид, пејачот ќе го стави микрофонот на некое долапче или во некоја фиока“, рече Угро.
