Во Доминиканската Република вчера се запали куќата на пејачот Марк Ентони, пишува TMZ.
Имотот, познат како El Oasis, се гледа на едно видео на интернет како пламна, а покривот на еден од објектите на имотот целосно изгорел. Пожарникарите биле забележани на местото на настанот како го гаснат пожарот додека во воздухот се издигнале обрачи од црн чад.
Претставникот на музичарот потврди дека Марк и неговото семејство се безбедни.
55-годишниот пејач, 24-годишната манекенка Надија Фереира и нивните деца не биле дома во моментот на инцидентот.
View this post on Instagram
Пожарот започнал од едната страна на просторот каде што се наоѓаат бунгаловите. Главниот објект не е оштетен, а противпожарната служба набрзина „го стави пожарот под контрола“.
Портпаролот, исто така, рече дека три бунгалови изгореле до темел, но еден бунгалов останал.
Причината за пожарот се уште не е позната. И Ентони изрази благодарност до службите за итни случаи за нивната брза реакција.
Музичарот го купи El Oasis со поранешната сопруга Шенон Де Лима во 2014 година. Тие се разведоа три години подоцна.
Марк сега е во брак со парагвајскиот модел Надија Фереира. На Денот на вљубените во 2023 година, парот објави дека го очекува своето прво дете. Во јуни тие добија бебе.
Десет години пред ова, пејачот беше во брак со Џенифер Лопез, која му роди две деца – синот Макс и ќерката Ема.
