Принцот Хари и Меган Маркл снимија видео порака до Елтон Џон пред неговиот проштален концерт на стадионот Доџер.
Војводата и војвотката од Сасекс се прикажани во видео преку кое му упатуваат убави зборови на пејачот пред концертот. Видеото беше емитувано во живо на Дизни+.
Заедно рекоа „Здраво Елтон“, а потоа Меган Маркл продолжи: „Само сакавме да ти честитаме! Ние сме толку горди на тебе и толку благодарни што можеме да те видиме на твојата проштална турнеја“.
harry & meghan’s message to elton john ahead of his farewell from dodger stadium concert live on Disney+ 🤍 pic.twitter.com/cq8IQkfwJ6
— michelle (@ddarveyy) November 21, 2022
Принцот Хари му се заблагодари на легендарниот музичар што ја забавуваше јавноста со децении и што беше пријател со неговата мајка, принцезата Дијана.
„Ти благодариме што си наш пријател, ти благодариме што си пријател на нашите деца. Иако официјално е твоето пензионирање, ова нема да биде твојата последна изведба и тоа го знаеме. Те сакаме и ти честитаме на твојата неверојатна кариера“, рече војводата од Сасекс.
Новинарите сугерираа дека видеото е снимено во канцеларијата на добротворната фондација на парот „Арчевел“. Принцот Хари носеше син костум и бела кошула, додека Меган носеше темно кафеав горен дел.
