Познатата српска модна креаторка Верица Ракочевиќ, која наполни 78 години, зад себе има повеќе од четири децении богата кариера во модната индустрија, бројни деловни ризици, но и мирен живот кој денес го дели со сопругот Вељко Кузманчевиќ на Авала.
Гостувајќи во подкастот „Пеливан“, креаторката се присети на своите најголеми деловни успеси, меѓу кои и пробивот на Неделата на висока мода во Рим во 1999 година кога ги освои насловните страници на италијанските медиуми, но и на личните жртви што ги направила за кариерата.
Ракочевиќ искрено призна дека доколку би можела да се врати назад, не би донела исти одлуки кога се во прашање материјалните работи:
„Своите три стана сама ги заработив и ги продадов поради инвестирање во бизнисот. Станува збор за три навистина големи стана. Од оваа дистанца, ако ме прашате дали би го направила тоа повторно, не би. Едноставно не би. Но, тие сеќавања вредат повеќе од сите автомобили, станови и сите материјални глупости“.
Модната дизајнерка прозборе и за односот со својата најстара ќерка Елена Караман, истакнувајќи дека е прегорда на нејзиното образование, духовен развој и деловни успеси, отфрлајќи ги сите негативни чаршиски приказни.
Ракочевиќ денес ужива во мирен живот во природа, вежба секое утро и истакнува дека најголемиот луксуз што го поседува е тоа што повеќе не мора да работи за пари, туку исклучиво за сопствено задоволство.
