Атина Тошиќ, ќерка на Јелена Карлеуша и Душко Тошиќ, го прослави својот 18-ти роденден и полнолетство. Прославата се одржа во познат луксузен хотел во Белград, каде што беше прославен и 17-тиот роденден на нејзината помлада сестра Ника.
Сепак, посебно внимание привлече Атина, која за својот голем ден избра впечатлива златна тоалета. Станува збор за моделот „Феникс фустан – златен“ од брендот „Анис колекција“, кој со својот изглед дополнително ја нагласи гламурозната атмосфера на прославата.
Според податоците достапни на официјалната веб-страница на брендот, фустанот чини 2.400 евра.
Атина избрала едноставна фризура со нежни бранови што оди со златната тоалета, додека целото издание било знак на елеганција и гламур.
Според српските медиуми, организацијата на прославата наводно чинела повеќе од 50.000 евра. Посебно внимание било посветено и на храната, па затоа празничното мени наводно изнесувало 150 евра по лице. Ова значи дека, според овие изјави, околу 30.000 евра биле издвоени за храна и пијалоци.
View this post on Instagram
На влезот, гостите биле пречекани со луксузни аранжмани во розови тонови, фенери и машни, додека посебна декорација била огледало со порака за добредојде и имињата на славенички. На прославата присуствувале бројни познати личности од светот на музиката и шоу-бизнисот.
