Боб Дилан го продаде целиот снимен музички каталот на „Sony Music“, во најнова зделка. Договорот, завршен минатиот јули, вклучува: од класичните албуми од 1960-тите како „Blonde On Blonde“, до неговото последно издание, „Rough And Rowdy Ways“ од 2020 година.
„Billboard“ пишува дека каталогот вреди околу 200 милиони долари, врз основа на годишни приходи од околу 16 милиони долари.
ЗОШТО ТОЛКУ ВРЕДАТ: Брус Спрингстин ги продаде правата на својата музика за 500 милиони долари
Дилан претходно ги продаде правата на издавање на „Universal Music“ за 400 милиони долари. Тој договор ги опфати правата на стиховите и композициите на Дилан, кои „Sony“ претходно ги администрираше надвор од САД.
НАЈДОБРИТЕ 100 ПЕСНИ НА СИТЕ ВРЕМИЊА: Ранг-листа на „Ролинг Стоун“
Но, продукциската куќа се бореше да ги задржи правата на дискографијата на Дилан, вклучително и 39 студиски албуми, 16 „бутлег“ компилации на изданија и необјавен материјал што би можел да се состави и издаде во иднина.
Како еден од највлијателните и најреволуционерните уметници во рокенрол историјата, Дилан стана првиот текстописец на кој му беше доделена Нобеловата награда за литература во 2016 година, а има продадено повеќе од 125 милиони плочи ширум светот.
ПЕСНИТЕ НА ДЕЈВИД БОУВИ ВО РАЦЕТЕ НА „ВОРНЕР МЈУЗИК“: Музиката на пејачот е во сигурни раце
