Добар дел од вработените во компанијата Твитер, кои беа ангажирани во борбата против ширењето лажни информации во истоимената социјална мрежа, вчера беа отпуштени. Ова го објави каналот NBC, повикувајќи се на порака од поранешни вработени во компанијата, која е во сопственост на милијардерот Илон Маск (поседува 208 милијарди долари, според Форбс).
Според соговорниците на каналот, особено многу луѓе биле отпуштени во тимови кои се одговорни за „здравјето на корисниците“, кои обезбедуваат нормално функционирање на страницата и го следат присуството на забранети содржини на социјалната мрежа, вклучително и оние поврзани со поттикнување омраза меѓу корисници.
Отпуштањата може да доведат до „хаос“ пред изборите закажани на 8 ноември, рекоа двајца отпуштени вработени, пренесува Ен-би-си.
Претходно на 5 ноември, Си-Ен-Ен објави дека Твитер започнал со отпуштања по купувањето на компанијата од Маск.
Според каналот, сè уште не може да се зборува за обемот на отпуштањата. Сепак, познато е дека вработените одговорни за маркетинг, односи со јавноста, следење на работата на системите за вештачка интелигенција и проверка на податоците за веродостојност добија известувања за отказ.
Пред тоа, истиот ден, американскиот претседател Џо Бајден ја обвини социјалната мрежа Твитер дека шири „лаги на целиот свет“.
