Твитер најави нови мерки против руската влада за намалување на дистрибуцијата на лажни вести.
„Кога владата го блокира или ограничува пристапот до онлајн услугите во својата држава, поткопувајќи го гласот и можноста за слободен пристап на информациите до луѓето, но во меѓувреме таа продолжува да ги користи онлајн услугите за свои комуникации, се создава сериозен информациски дисбаланс“.
Ова се причините поради кои Твитер најави воведување мерки кои ќе го ограничат влијанието на официјалната руска пропаганда за Украина на неговата социјална мрежа.
Официјалните руски профили повеќе нема да им се „препорачуваат“ на корисниците на Твитер за сите категории на апликацијата, вклучително и истражувањата, се вели во соопштението на платформата.
Твитер, како и Фејсбук и Инстаграм, веќе ги забранија официјалните руски медиуми РТ и Сопутник, сметајќи ги за фабрики на „лажни вести“.
„Ние нема да ги прошириме или препорачаме владините профили кои припаѓаат на држави кои го ограничуваат пристапот до бесплатни информации и кои се вклучени во меѓудржавна војна, без разлика дали Твитер во тие земји е блокиран или не“, рекоа од Твитер.
