Голема трагедија го снајде црногорскиот фудбал и спорт.
Како што пренесува порталот РТЦГ, почина голманот на црногорската репрезентација Матија Шаркиќ.
На голманот на Милвол (26), Англија, рано утринава му се слошило во станот во Будва, неговите пријатели повикале брза помош, но немало начин да го спасат.
Шаркиќ неодамна брилјираше на голот на „соколите“ на пријателскиот натпревар против Белгија, а потоа поради лични обврски останал во Брисел и го прескокна дуелот со Грузија, кој се играше пред шест дена на стадионот под Горица.
Мина низ помладите категории на Андерлехт, а потоа кариерата најмногу ја врза за Островот – беше во Астон Вила, Виган, Стратфорд, Ливингстон, Вулверхемптон, Бирмингем…
Од август минатата година беше дел од Милвол, член на англискиот шампионат.
За Црна Гора имаше девет настапи, се веруваше дека црногорската репрезентација има голман за во иднина, но денеска од Будва стигна трагичната вест.
