Авторот на серијалот „Хари Потер“, Џ. К. Роулинг, доби јавна закана од екстремист поддржан од Иран набргу откако таа го осуди вчерашниот напад врз колегата Салман Ружди.
Роулинг, која претходно беше мета на транс-активисти поради нејзините родови убедувања, на Твитер објави дека е ужасната од нападот врз Салман Ружди, по што еден од корисниците на мрежата ѝ упати закани.
Horrifying news. https://t.co/i5poClOImW
— J.K. Rowling (@jk_rowling) August 12, 2022
Во твит Џ.К. Роулинг коментирајќи го она што му се случи на Салман Ружди напиша: „Ужасни вести. Сега се чувствувам навистина лошо. Се надевам дека е добро“.
Како одговор, креаторката на Хари Потер доби застрашувачка закана „Не грижи се, ти си следната“, што ја поттикна да побара поддршка од Твитер заедницата.
Авторот на пораката, Меер Асиф Азиз, во својата биографија се опишува како студент и активист, како и дека јавно ја напишал својата поддршка за Хади Матар, виновникот за нападот врз Ружди.
.@TwitterSupport any chance of some support? pic.twitter.com/AoeCzmTKaU
— J.K. Rowling (@jk_rowling) August 13, 2022
Џ.К. Роулинг, набргу потоа, ги извести своите следбеници пишувајќи кратка порака:
„До сите луѓе кои ми испраќаат пораки за поддршка: ви благодарам. Полицијата е веќе вклучена (тие веќе беа вклучени и со други закани)“ кои ѝ биле упатени.
