Таткото на трагично загинатата пејачка оди во Дубаи за да дознае како таа починала.
Таткото на починатата пејачка Андријана Лазиќ, Небојша Лазиќ уште еднаш ѝ се обрати на јавноста и откри дека наскоро ќе замине во Дубаи за да дознае повеќе за околностите на смртта на неговата ќерка.
— Arsil (@arsagarson) January 17, 2024
Како што истакна Небојша, кој е член на МУП, штом ќе поминат 40 дена од смртта на неговата ќерка, тој ќе замине во Дубаи да учествува во истрагата за овој трагичен случај.
„Иако нејзиниот случај предизвикува интерес кај многумина, треба да имаме разбирање за семејството, бидејќи само ние, семејството ја чувствуваме вистинската болка. Нашите православни обичаи ни наложуваат да молчиме 40 дена. Јас како член на МУП, секојдневно сум во контакт со директорот на полицијата во Дубаи Иса Ахмед Салем Ахмед и штом поминат 40 дена ќе одам директно во Дубаи директно да учествувам во истрагата“, започна неутешниот татко со објава на Фејсбук и ги спомна пријателките на Андријана со кои била во Дубаи.
„Само сакам да кажам дека нејзините пријателки, со кои беше во Дубаи, не се под никакво сомнение и затоа полицијата им дозволи да се вратат дома. Директно побарав од директорот на полицијата да ги ослободи. По 40 дена, ќе ѝ се обратам директно на јавноста и затоа ве молам дотогаш да се стрпите“, додаде тој.
Да потсетиме, дваесет и седумгодишната Андријана Лазиќ, пејачка и адвокатка од Република Српска, го загуби животот по пад од 24 кат од зграда во Дубаи, а се уште не се познати сите околности за нејзината смрт.
Во петокот, во присуство на бројни пријатели, роднини и ожалостеното семејство, таа беше испратена на вечното почивалиште во родното место.
