Препораките на експертите на СЗО Европа: „Уживајте во летото безбедно и подгответе се за есенската сезона во која е предвидливо зголемување на циркулацијата на вирусот, со последователно зголемување на хоспитализирањата и смртни случаи“.
„Загрижен сум што случаите на „Ковид-19“ продолжуваат да растат, што врши дополнителен притисок врз веќе затегнатите здравствени системи и работници и дека смртните случаи се неприфатливо високи“.
„Новите бранови уште еднаш покажуваат дека Ковид-19 во никој случај не е завршен. Вирусот слободно циркулира и земјите не ефикасно управуваат со товарот на болеста според нивните капацитети, како во однос на хоспитализацијата на акутните случаи, така и во однос на зголемување на бројот на луѓе со продолжен Ковид“. „Ги повикувам владите редовно да ги прегледуваат и прилагодуваат своите планови за одговор врз основа на тековната епидемиологија, а исто така и на можноста за појава на нови варијанти“.
Ова е пораката што денеска ја пласираше генералниот директор на Светската здравствена организација Тедрос Аданом Гебрејесус на периодичниот брифинг со новинарите.
„Ние сме во подобра позиција отколку на почетокот на пандемијата. Имаме безбедни и ефективни алатки кои спречуваат инфекции, хоспитализација и смртни случаи“, додаде генералниот директор на СЗО објаснувајќи дека заклучи дека вирусот останува итен случај за јавното здравје од меѓународен интерес.
