Самитот на НАТО што се отвора во Мадрид е „историски и трансформативен“ самит: ова го вели генералниот секретар на Атлантската алијанса, Јенс Столтенберг, според кого во овој момент „се соочуваме со најголемиот предизвик од Втората светска војна“.
Русија, посочува Столтенберг, претставува „директна закана за нашата безбедност“, и поради оваа причина зеленото светло на Турција за Шведска и Финска да се приклучат на Алијансата е „поволно за сите“.
Шпанскиот премиер Педро Санчез се надоврза со неговиот заклучок дека „Русија се шири во Африка“.
„Јасно е дека Русија се проширува во Африка , на пример, преку паравоената компанија Вагнер, поради што земјите на НАТО мора да предвидат ваков тип на закани, активирајќи стратегии за да одговорат на ефикасен начин на секаков вид предизвик“ – рече шпанскиот премиер Педро Санчез кој не ја крие својата загриженост за руската експанзија. Според шпанскиот лидер, во „јужното крило“ на НАТО има и други прашања што треба да се решат, на пример „климатските промени и нивните миграциски ефекти“, „тероризмот“ и „политичката нестабилност“ во некои земји.
Столтенберг нагалси дека денеска Шведска и Финска ќе бидат поканети во НАТО.
„Лидерите денеска ќе донесат и историска одлука да ги поканат Финска и Шведска да станат членки на НАТО, врз основа на договорот постигнат вчера меѓу Финска, Шведска и Турција: тоа е позитивен договор за Финска, Шведска, Турција и за сите нас“ – изјави генералниот секретар на НАТО Јенс Столтенберг.
