– Во следните седум до десет денови во Македонија продолжува периодот на стабилно, суво и сончево време. Повремено ќе има и појава на мала до умерена локална облачност. Ќе дува слаб до умерен ветер од северен и од североисточен правец. Од денес па се до сабота температурите ќе опаднат за околу 5 степени и ќе се искачуваат во интервалот од 19 до 24 степени, што значи дека истите и понатаму ќе бидат НАТПРОСЕЧНО ВИСОКИ.
Во Скопје и околината продолжува стабилното, суво и претежно сончево време. Ќе дува слаб до умерен ветер од северен правец додека температурите ќе се искачуваат во интервалот помеѓу 21 и 24 степени. НАПОМЕНА: За време на викендот температурите наутро ќе бидат пониски и особено во Малешевијата истите се очекува да се спуштат до околу 0 степени. Ако вака останат работите, натпросечно топло и сушно време ќе имаме и во ноември, вели метопрогнозерот Славчо Попоски.
