Мотото „секој ден е забава“ можеби и не е толку лошо за справување со животот на повесел начин. Но, овој германски пар навистина ги сакаат божиќните декорации, а особено елките. Толку многу ги сакаат што таа љубов ги надминува сите граници.
Всушност, тие живеат (значи секогаш) – во текот на целата година – со 350 новогодишни елки во куќата, сите украсени и осветлени. Ги има во бањата, кујната, спалната, дневната… Во куќата на Томас Џеромин има по една пластична елка во секој агол, и тоа украсена.
Но, годинава Џеромин (55) и неговата сопруга Сузана додале уште повеќе елки пред новогодишните празници поставувајќи светски рекорд во „најмногу украсени елки на едно место“.
На број се дури 444 елки во стан од 100 квадратни метри!
За сите да ги украси му биле потребни над 47.000 светилки.
