11.8 C
Скопје
21:52 - 28 март, 2024

Размена на обвинувања меѓу Иран и САД за нападот на Ружди; Започна кампања на Ружди да му се даде Нобеловата награда

Не стивнува контроверзноста меѓу Министерството за надворешни работи на Техеран и американскиот Стејт департмент, кој зборовите на портпаролот на иранската влада ги дефинира како „одвратни“, според кои „Ружди мора да се обвини само себеси за нападот“.

Станува збор за континуирана размена на обвинувања, која трае најмалку 24 часа, меѓу Иран и САД во врска со „моралната одговорност“ за нападот врз Салман Ружди, индискиот автор на „Сатански стихови“ кој беше избоден минатиот петок за време на литературен настан во државата Њујорк. Најнови по хронолошки редослед, се изјавите на портпаролот на американскиот Стејт департмент, Нед Прајс, кој зборовите на неговиот ирански колега Насер Канани ги нарече „одвратни“, според кои „Салман Ружди мора да се обвини само себе си за нападот од белото оружје што го претрпел“. Всушност, на прес-конференција, Прајс рече дека „да се обвини жртвата, Салман Ружди, за овој напад, е нешто жално, тоа е одвратно, ние тоа го осудуваме“.

Американскиот функционер потсети дека Иран одигра „централна улога“ во заканите добиени од индискиот писател по објавувањето на неговиот најконтроверзен роман.

Од Техеран пак, пристигна решителното одбивање да прифати каква било поврзаност со нападот на сторителот. „Категорично негираме“ каква било поврзаност со Хади Матар, „никој нема право да ја обвинува Исламската Република Иран“, изјави портпаролот на МНР. Вчера всушност беше првата официјална реакција за нападот од минатиот петок.

Одговорот на иранските власти следуваше по она што го изјави американскиот државен секретар Антони Блинкен, кој експлицитно го обвини Иран дека барем го „инспирирал“ гестот: „Иранските институции со години поттикнуваат насилство против писателот и државните медиуми во последните денови се радуваа за нападот против него. Сето ова е одвратно “.

Од друга страна пак, францускиот филозоф Бернард-Анри Леви предлага: „Да му ја дадеме Нобеловата награда за литература“.
„Мораме да се погрижиме авторот на Сатанските стихови да биде награден со највисоки почести. Мораме да се погрижиме, во името на целиот негов народ и во негово име, оваа година, односно за неколку недели, да му биде доделена Нобеловата награда за литература. Не можам да замислам, денес, кој било друг писател кој има храброст да го заслужи наградата повеќе од него“, пишува францускиот филозоф Бернард-Анри Леви во напис во италијанскиот весник „Ла Република“.

Слични објави

(Видео) Миа Костова стана жртва на измама: Не рекламирам чаеви за слабеење, не наседнувајте на лажни реклами

Еспресо

(Фото) „Моите деца ме подмладуваат“: Симона Поповска го прослави 32. роденден со семејството

Еспресо

Принцот Хари ќе има кратка и официјална средба со кралот Чарлс: Еве ги деталите

еспресо

Уапсен познат српски естраден менаџер: Во станот му нашле дрога

Еспресо

Искрено со Пеце Суперхикс: Во лутина имаше и физички пресметки и фаќање за гуша, но затоа издржавме 30 години

Александра Георгиев

(Фото+видео) Сите гледаа во задникот на Цеца: Пејачката се „стегна“ во кожна комбинација од 350.000

Еспресо
Се вчитува....