Кели Ризо, трогната, ги споделува со обожавателите на нејзиниот сопруг слатките пораки што и ги испратил пред да почине.
Кели Ризо, вдовицата на Боб Сагет, во едно интервју ги открила последните пораки што ги напишал нејзиниот сопруг пред неговата прерана смрт.
Сагет почина пред неколку недели, на 9 јануари, на 65-годишна возраст. Двајцата се венчаа во октомври 2018 година. Боб беше американски стенд-ап комичар, актер, ТВ водител и режисер познат по неговите телевизиски улоги.
Кели во телевизиско интервју за „Тудеј“ се отвори за емотивната природа на ѕвездата. Потоа ги прочита последните пораки добиени од нејзиниот сопруг. „Те сакам бескрајно“. А потоа напишал: „Едвај чекам да се видиме утре“.
Ризо, читајќи ги пораките, повремено правеше пауза за да се „собере“ и да си ги избрише солзите. Во истото интервју го опиша Боб Сагет како „најдобриот човек што некогаш сум го сретнала во животот“. Во неговите последни месеци, рече Ризо, Сагет „беше многу среќен и… воодушевен што се врати на турнеја, правејќи го она што најмногу го сакаше: кабарето“.
