Обесштетувањето се должи за „сериозната штета направена во серијата во која тој глумеше“ по обвинувањата за сексуално вознемирување.
Речиси 31 милион долари: ова е сумата што Кевин Спејси и неговите продукциски куќи ќе треба да ја платат на креаторите на „House of Cards“ поради „сериозната штета нанесена на серијата – во која тој глумеше – со неговото сексуално вознемирување на некои членови на персоналот“.
Ова го утврдил судија во Лос Анџелес, отфрлајќи ја жалбата поднесена од тужителот: неговото однесување предизвикало прекршување на договорот со кој бил обрзан, предизвикувајќи штета во имиџот и материјална штета.
Поради неговото однесување, според судијата, МРЦ мораше да го отпушти Спејси, запирајќи ја продукцијата на шестата сезона на серијата, која мораше да го отстрани централниот лик и беше скратена од 13 на осум епизоди за да се исполнат роковите, што резултираше со загуба од десетици милиони долари.
Адвокатите на Спејси тврдат дека одлуката за негово исклучување од шестата сезона на серијата дошла пред внатрешната истрага што ги навела членовите на персоналот да се пријават, и затоа претставувало прекршување на договорот.
Пресудата доаѓа по тригодишен правен спор и осумдневно доверливо рочиште кое беше чувано во тајност од јавноста, заедно со остатокот од спорот.
Во „House of Cards“ актерот ја имаше главната улога, конгресмен гладен за моќ, кој стана претседател.
Минатиот месец Спејси се изјасни за невин во Лондон по обвиненијата за сексуален напад на тројца мажи додека бил директор на театарот „Олд Вик“. Нему ќе му се суди следната година. Против него е поднесена уште една кривична пријава во 2019 година.
