Во текот на оваа нова работна недела и понатаму нашата територија ќе биде под влијание на серија на влажни воздушни бранови од Медитеранот.
Ќе има повремени врнежи од дожд и истите локално ќе бидат ОБИЛНИ (над 40 л/м2). На планините снежната покривка која ја има МНОГУ ќе се зголеми, а повремено снежната граница има услови да се спушти на некои места особено на запад и север и под 1000 метри.
Ќе дува слаб до умерен ветер претежно од источен и од југоисточен правец и истиот денес долж Повардарието ќе биде засилен на интензитет.
Во Скопје исто така ќе има врнежи од дожд, додека на околните планини ќе паѓа снег. Денес и ветерот од југоисточен правец ќе засилува на интензитет.
Температурите ќе се искачуваат во интервалот од 2 до 11 степени во најтоплите југоисточни предели. Наутро истите ќе се спуштаат во интервалот од -4 до 5 степени.
