Згодната фолк-пејачка Сани во февруари во 2023 година се омажи во Швајцарија, за Никола Урдаревиќ, а за венчавката многу се коментираше на социјалните мрежи.
Познатата фолк-пејачка по третпат стапна на лудиот камен, а овојпат со нејзиниот избраник Никола Урдаревиќ, менаџер на хотели од Македонија кој живее во Швајцарија.
И свадбената веселба, на која ги собраа најблиските, се одржа на швајцарските Алпи во романтично украсен хотел. Сани од првиот брак ја има ќерката Викторија, а од вториот ќерката Ева, кои присуствуваа на веселбата.
Таа ги изненади своите фанови кога во тајност се омажи, а на инстаграм-профилот си го смени своето презиме во Урдаревиќ, откако претходно беше Гроздановска.
Згодната пејачка претходно за „Бекстејџ“ претходно раскажа дека ставила крај и на вториот брак со билдерот Мартин Гроздановски.
– Нешто што не го бива, подобро да се прекине навреме како велат – подобро да го спречиш, отколку да го лечиш. Јас сум од тие што не сакаат да пијат лекови и такви работи, и затоа спречив навреме. Затоа што бевме најдобриот пар, затоа и успејаа луѓето околу нас да нè разделат. Меѓутоа, нема врска, животот продолжува понатаму – рече Сани.
Но, пејачката веќе подолго време не е активна на социјалните мрежи, профилот на Инстаграм не ѝ постои, ниту некој знае дали е уште во Швајцарија и дали уште пее.
