Пејачите се простуваат од нивниот пријател гитарист, кој по долга битка со канцерот почина вчера.
Гитаристот Дејан Божиновски беше омилена придржуба на многу пејачи, а за него пејачот Филип Јордановски напиша:
-После долга битка со злото, не напушти Деки. Мојот другар, пријател, гитарист, фотограф…ангелска и искрена душа…живееше за музиката, гитарата и се радуваше на секоја свирка која ја имавме заедно…едноставно уживавме…ширеше позитива насекаде, беше и ќе остане единствен!
Твојата душа го заслужува најубавото место во рајот… секогаш ќе бидеш присутен во секоја отпеана песна, отсвирен акорд, жива свирка..Почивај во мир другар, сочувство до семејството. Погребот ќе се оддржи утре на гробиштата во Драчево, 12ч. во капела“, напиша Јордановски.
Од Божиновски се прости и Ана Петановска со овие емотивни зборови:
-Деко – дефиниција за најдобар другар и вистинска несебична љубов, најчистата душа. Се лутам многу што немаме повеќе време на земјава да те зезам и да те замарам да свириме блуз (знам дека сакаше и ти!)
Ќе имаме шанса да се видиме пак верувам и ќе се пресметаме кој повеќе пиво ќе испие…засекогаш ќе те обожавам, спомените не заминуваат, а ти исшармирај ги горе како што правеше и тука… Нека ти е светол патот другарче драго. Свети најсилно“, напиша Ана Петановска.
