Откако Весна и Ѓоле Ѓогани јавно го обвинија Хусеин Велаѓиќ, организаторот на нивниот настап во Германија, дека не им го исплатил договорениот хонорар, тој се огласи со тврдење дека му се слошило и дека завршил во итна медицинска помош.
„Јас однапред им дадов 11.000 евра, а останаа уште 5.000 кои требаше да ги исплатам подоцна и ги замолив да почекаат. Но, ми се слоши. Јас сум болен човек, имам целосна медицинска документација и завршив во итна помош. Ѓогани ми испрати опасни луѓе на домашна адреса кои ми се закануваа. Само драгиот Алах знае колку сум јас чесен човек“, изјави тој за „Нај портал“.
Тој додаде дека случајот ќе заврши на суд и дека ја прекинува секоја понатамошна соработка со Ѓогани.
„Сите други се исплатени: Зоран Јанковиќ доби 1.500 евра, а на сестрата на Ѓогани, која живее во Германија во близина на Бохум, ѝ дадов 11.000 евра. Јас сум во итна помош, се борам за живот и се плашам дека можам да умрам“, изјави Велаѓиќ.
На прашањето зошто ја напуштил салата каде што се одржувал настапот, тој одговори:
„Морав да избегам бидејќи ми се закануваа дека ќе ми го запалат автомобилот, кој вреди 20.000 евра, и дека ќе ме убијат. Побарав заштита од полицијата. Ако ова продолжи, може да има жртви“. На крајот додаде дека заканите дошле од Ѓогани и од еден Словенец, чие име не сакаше да го открие.
Да потсетиме, Весна и Ѓоле Ѓогани со својот бенд настапиле околу 20 минути, по што Ѓоле ѝ се обратил на публиката и изјавил дека не им е исплатен однапред договорениот хонорар.
„Колку што знам, овој тим вечерва никого не исплати. Тука се и моите колеги кои стојат од левата страна. Значи, никој не доби пари. Човекот се вика Хусеин Велаѓиќ и цело време седеше напред. Не станува збор само за моите колеги или за групата Ѓогани, туку настапивме исклучиво заради вас, за Новата година да ја дочекавте среќни и задоволни“, изјави тој.
