Целата своја тешка 2025 година си ја раскажа музичарот Петар Младеновски-Пеце, кој си ја отвори душата за сите загуби кои му ги донесе годината што измина.
-Среќна Нова и Среќни празници Друштво! Да не се повтори оваа лоша 2025-та која ни однесе многу сограѓани и остави трагични лузни кои ќе се чувствуваат со години. (Кочани )
Гушнете ги своите најмили и најблиски. Свртете два три броја. Разменете убав збор со драгите затоа што животот е епизода и кратко трае. Утре веќе може да е предоцна.
Споменете ги и испијте по една и за оние кои веќе не се тука а присутните израдувајте ги макар со убава желба за следнава. Или како што рече мојот татко само неколку дена пред да нѐ напушти периодов:
„Што бе толкави куќи, станови, вили? Ако немаш луѓе, џабе сѐ! Луѓето и фамилијата ја прават куќата а не ѕидовите..” (И во одбрано друштво си замина со легенди како Драган Б.Костиќ, Васил Рингов, Кирил Темков, Агим Јонуз, Крис Реа…)
Само здравје, среќа и убавини во новата 26-ка Друштво! Чувајте се! Една ваша капиштечка будала“, напиша Младеновски. Неговиот татко Никола, почина на 25 декември.
