Водителот Огњен Амиџиќ и неговата сопруга Мина Наумовиќ во саботата, на 24 јануари, станаа родители по третпат. Овојпат добија ќерка, која по раѓањето била оценета со највисока оцена. Малечката доби кратко и звучно име – Лола, а Огњен неодамна откри дека, барем засега, многу наликува на постариот брат Перун.
Мина утрово, на 28 јануари, во раните часови го напушти породилиштето заедно со ќерката Лола, но по нив не дошол Огњен, туку нивниот кум. Причината, како што се дознава, е тоа што водителот има здравствени проблеми и не сакал во таква состојба да оди по сопругата и новороденчето. Наместо тоа, тој ги пречекал дома.
Да потсетиме, Мина и Огњен веќе се родители на синот Перун, кој го добија пред две години, а водителот од претходен брак има уште еден син – Матија.
Огњен не ги криеше емоциите и радоста по повод раѓањето на ќерката. Своите први впечатоци ги сподели во емисијата „Премиера – Викенд специјал“.
„Се разбудив пред триесет секунди и веднаш се вклучив. Се чувствувам добро, сите се добро и тоа е најважно. По третпат станав татко и најбитно ми е што Мина и бебето се здрави. Сè се случи малку порано, вчера ја видов бебето и чувството е неверојатно. Тешко е да се опише“, изјави Амиџиќ.
Тој се осврна и на фактот што по два сина доби ќерка: „Сите ми велат дека сега сум ‘завршил кариера’. Со синовите мислам дека знам како е, иако сè уште учам, а со ќерка – ќе видиме. Најважно е да биде жива и здрава и да го најде своето место под сонцето, а ние ќе ѝ бидеме поддршка.“
Огњен откри и како се одлучиле за името: „За Лола се договоривме веднаш. Мина одамна го сакаше тоа име. Јас имав и други предлози, дури сакав да се вика Миша, по Миша Бартон, но Лола е подобро. Кратко е и исто се изговара насекаде“.
