Бизнисменката и реалити ТВ ѕвезда Ким Кардашијан изјави дека е среќна поради договорот за развод со поранешниот сопруг Канје Вест, пренесува People.
Инсајдер близок до Ким Кардашијан изјавил за Пипл дека ѕвездата „почувствувала огромно олеснување“ кога таа и Канје Вест конечно се договориле за развод.
„Ким не сакаше случајот да оди на суд. Но, таа и Канје имаа премногу несогласувања, особено околу прашањата за старателството над децата. Сега, на Ким ѝ олесна – драго ѝ е што Канје се согласи со нејзините барања, на кои тој се спротивставуваше во минатото. И таа верува дека во иднина ќе можат мирно да ги воспитуваат своите заеднички деца “, рече тој.
Инсајдерот додаде дека иако поранешните сопружници подеднакво го поделиле старателството над децата, главен старател е Ким Кардашијан.
„Таа и Канје постигнаа договор дека за сите проблеми ќе се разговара насамо, без да бидат јавно објавени. Пред сè, за доброто на децата. Ким се надева дека заедничкото родителство ќе биде малку полесно од сега па натаму“, објасни тој.
