Ријалити ѕвездата Ким Кардашијан и официјално се разведе од раперот Канје Вест. Според судскиот документ Кардашијан и понатаму ќе поминува 80 отсто од своето време со нивните четири деца, додека раперот ќе треба да плаќа 200.000 долари месечна алиментација.
Во меѓувреме, Кардашијан ги забавуваше своите фанови на Инстаграм откривајќи детали од куќата во којашто живее со децата.
„Работи во куќата кои ме прават среќна“, напиша Ким Кардашијан (42) на својот Инстаграм профил. Ријалити ѕвездата објави неколку фотографии на кои се гледа нејзината дневна соба, спална соба и дел од бањата.
Сепак, меѓу коментарите со пофалби, се најдоа и бројни коментари од фанови на кои не им се допаѓа домот на Ким.
„Изгледа толку депресивно“,„Дом без душа“ „Твојата куќа изгледа навистина празно“, „Не знам како можеш да живееш на вакво место, личи на лудница“, ѝ напишале дел од корисниците на Инстаграм.
