17.8 C
Скопје
14:52 - 20 април, 2024

„На 11 март Рибља Чорба во Скопје, ги враќаме и ретро забавите“: Разговор со Мартин Анѓеловски, сопственик на „Мусандра“

На 11 март во ноќниот клуб „Мусандра“ ќе гостуваат легендарните „Рибља Чорба“ и со нив се отвора „сезоната“ на големо враќање на ретро забавите.

Разговараме со Мартин Анѓеловски, сопственик на култниот ноќен клуб „Мусандра“. Анѓеловски е дел од скопскиот ноќен живот долги години, и одлично го познава вечерниот пулс на градот.

– Начинот на забава се менува со текот на годините, секоја генерација има различни гледишта и вкусови, но сепак, желбата за добра забава е секогаш присутна. Секогаш има потреба од ноќ исполнета со смеа, пеење, добра музика и пијалок. Сепак, Скопје сè уште може да се пофали со квалитетен ноќен живот, иако многу работи се изменија со пандемијата, но се враќаме во нормалните текови со сигурност – објаснува Анѓеловски.

Предизвиците како сопственик на ноќен клуб се бројни.

– Како и секоја работа и оваа бара посветеност, внимание и труд. Мора да си постојано со нови идеи и проекти, да организираш настапи на различни изведувачи и бендови за да се опфати сечиј вкус во однос на музиката. Потребно е искуство и во односот со гостите, сепак тоа се различни индивидуи со различни карактери и различно однесување и треба да знаете со сите како, но и да сте коректни и да им обрнете внимание. Добро е што проблематичните гости се сè поретки, оние кои ќе се опуштат малку повеќе со алкохолот па ќе предизвикаат некаков инцидент, но тоа е навистина веќе реткост што е добро – додава Анѓеловски.

Но, што е она што ја прави „Мусандра“ поинаква од другите ноќни клубови?

Самото име е репер за добра журка уште од времето.

– Искрено, предизвик е да си дел од оваа приказна зашто мораш навистина да се носиш со традицијата на самото име на дискотеката и да ја задржиш таа традиција. Мислам дека „Мусандра“ нуди разновидност и затоа како клуб е  поинаков. Кога велам разновидност, мислам на музиката. Не сме сконцентрирани на еден звук или жанр, туку сакаме да овозможиме забава за сите – објаснува сопственикот и открива дека тоа се постигнува со добра организација. Гостите имаат избор и можност да уживаат во својата омилена музика, без разлика дали е тоа рок, турбофолк или се носталгични по стари добри хитови.

Преку „Мусандра“ во Скопје се враќаат на голема врата и ретро забавите.

– Редно време е, диско музиката е нешто што му недостасува на градов. Хитови кои ќе нè вратат малку назад низ времето и ќе нè потсетат на ноќниот живот во 80-те и 90-те години, зборувам за евергрини од бившите ју- простори и странски хитови од минатиот век. Новитет е и гостувањето на неповторливите „Рибља Чорба“ на 11. март, легендите „во живо“. По нивното гостување, планираме настапи на голем број бендови кои уживаат голема популарност – заклучува тој.

Слични објави

За минута зема 2 000 евра бакшиш! Бресквица направи хаос меѓу публиката со песната „Орлово гнездо“

Еспресо

(Фото) Поради неа ја оставил мисицата: Починатата водителка Бојана има сестра близначка како јајце слична на неа

еспресо

Неделен хороскоп, од 22 до 28 април: Среќно небо за Овните, добра вест за Лавовите, љубовни искри за Водолиите…

еспресо

Колегите на водителката Бојана Јанковиќ во шок: Пред смртта била најсреќна личност во светот

еспресо

Водителката Бојана Јанковиќ пронајдена мртва во стан, се чека на обдукција на телото

еспресо

Астропрогноза за сабота, 20 април: Вагите да посветат внимание на партнерот, Водолиите да се отворат за нови познанства

еспресо
Се вчитува....