Познато е дека српскиот актер е популарен во Русија последниве седум години и дека веќе некое време живее на релација Србија-Русија. Како гостин во српската ТВ Прва тој зборуваше за неговиот нов филм „Сакам маж“, но и за војната во Украина.
„Филмот „Сакам маж“ излезе на почетокот на случувањата во Украина, немав среќа. Реакциите се одлични, но атмосферата не е толку пријатна за луѓето да одат во кино како порано“, изјави Милош Биковиќ, пренесува б92.
„Филмот и без тоа немаше да се прикажува во Париз и Берлин, и тогаш постоеше некаков анимозитет кон Русите, но сега кулминираше. Оди до таму што Достоевски и Чајковски се отстрануваат од репертоарите, мислам дека тоа е бесмислено, мислам дека е опасно за целиот свет“, рече актерот.
„Војна не се води само со оружје, туку и со информации. Штом некој ќе ве замоли веднаш да се изјасните, тогаш се користат и информации“, рече тој и додаде: „Не сакам да давам поедноставени одговори на ова прашање, како „Да, Путин едно утро се разбуди полуден и одлучи да убива украински деца.“
Тој конфликт трае веќе осум години. Совршено ми е јасно, јас самиот бев жртва на пропаганда, бомбардирање, сите бевме. Но, истовремено преку таа пропаганда бевме и агресори. Бевме и агресори, и не бомбардираа, зашто едноставно немавме средства да се заштитиме. Одамна се збогувавме со меѓународното право, прашањето сега е кој кого и на кој начин го повредува за заштита на своите интереси“, рече Биковиќ.
„Ова е невидена хајка во историјата, се укинуваат Достоевски и Чајковски, луѓе што се мртви 200 години. Мислам дека тоа е опасно за сите“, смета актерот.
Тој зборуваше и за влијанието на војната врз културата и уметноста. „Културата и уметноста се единствените што можат да го поврзат целиот свет. Дури и кога има воена состојба, сепак можете да се поврзете со човекот зад ровот со нешто што сите го разбираме и го доживуваме“, рече тој.
