53-годишниот актер Метју Пери, најпознат по улогата на саркастичниот Чендлер во хит-серијата „Пријатели“, неодамна откри дека во минатото се „изгорел“ со неколку жени кои ги сакале само неговите пари.
Пери целосно се отвори за својата потрага по љубов и борбата со зависноста пред да бидат објавени неговите мемоари „Пријатели, љубовници и големата страшна работа“.
– Од тоа се плашев. Тоа е она што јас го манифестирам, нешто што не е во ред со нив. И тогаш раскинувам со нив. Но, не може да биде лошо со сите. Јас сум заедничкиот именител. Прв заминував затоа што мислев дека ќе ме уништат – изјави тој за People.
Холивудскиот актер изјави дека сега бара партнерка која има сопствено богатство, што за него е „прилично клучна компонента“.
– Неколкупати „се изгорев“ со жени кои само сакаа пари не грижејќи се за мене. Тоа се случува почесто отколку што мислите – призна тој.
Пери бара и жена која „има смисла за хумор, која е грижлива и убава одвнатре и однадвор“.
– Следната личност што навистина ја сфаќам сериозно е некоја во која ќе бидам вљубен и нема да се плашам од работите што ме плашеа претходно – рече тој.
Тој, исто така, откри дека неговата борба со зависноста станала толку тешка што „речиси умрел“, но сега е уверен во својата трезвеност.
-Веќе не се плашам од љубов, па нека внимава следната девојка со која ќе излезам – се пошегува тој, додавајќи дека мисли дека би бил „одличен татко“.
– Навистина сакам деца – призна тој, присетувајќи се како пораснал со многу мали деца околу него, па веројатно затоа.
Актерот беше накратко свршен со книжевната менаџерка Моли Хурвиц, но раскинаа во јуни 2021 година. Претходно се забавуваше со Џулија Робертс, Рејчел Дан, Нев Кембел и Лизи Каплан.
View this post on Instagram
