Во новата книга на новинарот Валентин Лоу „The Courtiers: The Hidden Power Behind the Crown“, која деновиве привлекува огромно внимание особено на британската јавност, мѓу другото е претставена кавгата на Меган Маркл со нејзината лична асистентка Мелиса Тубати, пренесува The Sun.
„Се чини дека Мелиса Тубати ревносно го следеше правилото дека членовите на кралското семејство не смејат да примаат подароци од трговски субјекти. Тоа не ѝ се допадна на Меган“, вели изворот.
Во палатата Кенсингтон постојано се доставувале кутии со облека, накит и други подароци од познати луксузни модни марки. Меган Маркл го прекршила кралскиот протокол примајќи подароци од различни брендови, иако помошничката на војвотката Мелиса Тубати постојано ја потсетувала дека не смее да прима подароци. Сепак, незадоволството на Меган Маркл се зголемило до таа мера што на крајот решила да ја отпушти асистентката.
