10.8 C
Скопје
08:58 - 27 февруари, 2024

Малкумина знаат за големата трагедија во животот на Златан Ибрахимовиќ: „Постои живот, освен овој фудбалскиот, кој е многу поважен“

Златан Ибрахимовиќ денес е еден од најпознатите и најбогатите фудбалери во светот, но имаше многу поскромни почетоци, а неговиот живот го одбележа голема трагедија.

Татко му е муслиман од Босна, мајка му е католик од Хрватска, додека тој е роден во Шведска. Тој пораснал во Розенгард, предградие на Малме, населба во која многу имигранти го нашле својот дом.

Неговата мајка работела како чистачка и по 14 часа на ден, а татко му бил чувар. Разводот на родителите се случил кога Златан имал само две години, а по одлука на социјалните работници бил доделен на мајка му, а неговата сестра Санела на татко му.

Бидејќи не можел да живее без својата сестра, почнал да живее со својот татко, но на крајот таа била доделена на неговата мајка.

Животот со татко му не бил воопшто лесен, бидејќи имал проблеми со алкохолот, поради што понекогаш немале ништо во фрижидерот. Но токму татко му платил за неговиот фудбалски камп кога немале пари речиси ни за храна и кирија, и верувал дека неговиот син ќе успее во животот.

Животот на Златан го одбележале и добри и лоши искуства, а едно од најлошите искуства за фудбалерот е смртта на неговиот брат Сапко. Златан тешко се соочил со смртта на својот брат, бидејќи бил многу приврзан за него.

Сапко Ибрахимовиќ почина во 2014 година на 41-годишна возраст, по долго боледување за кое јавноста не знаеше многу.

Златан се сети на својот починат брат и во еден својот говор кога ја освои титулата за најдобар играч на Шведска.

– Се уште го живеам мојот детски сон кога е фудбалот во прашање. Сите овие награди што ги добив докажуваат дека сум направил нешто добро и дека сум добар во тоа што го работам. Но, ова е во сенка на она што им се случи со Клас и Понтус. Имав брат кој почина во слични околности. Постои живот, освен овој фудбалскиот, кој е многу поважен. Нека почиваат во мир, изјави по тој повод Ибрахимовиќ.

Фудбалерите кои ги спомна се Клас Ингесон, кој почина од рак и Понтус Сегерстром, кој имаше тумор на мозокот.

Слични објави

Ана Севиќ проговори за работата: „Себеси постојано се критикувам“

еспресо

Астропрогноза за вторник, 27 февруари: Важни вести за Раковите, пари за Вагите

еспресо

Популарен рапер убиен во Амстердам: Го изрешетале на улица

еспресо

„Пукна тиквата“: Ана Николиќ е повторно сама, го остави дечкото

Еспресо

(Фото) Теодора Џехверовиќ продолжува да шокира: Се одлучи за нова тетоважа, а местото кое го одбрала е многу провокативно

Еспресо

(Фото) Семејна идила: Ќерката на Гоце Тодоровски го прослави роденденот со најблиските

Еспресо
Се вчитува....