Меѓу многуте кои го кренаа својот глас да кажат „не“ на војната е и поп-ѕвездата Мадона која ги осуди постапките на Путин и ги повика луѓето да донираат во добротворни цели, споделувајќи на социјалните мрежи и ремикс на нејзината песна „Извини“ (Sorry) од 2006 година, проследено со видео монтажа од фотографии од крвавиот конфликт.
View this post on Instagram
На видеото се гледаат бомби кои паѓаат врз Украина и граѓани облеани во крв. Инаку, инстаграм – профилот на пејачката го следел и украинскиот претседател Владимир Зеленски. Мадона објави и фотографија на која се гушка со украинското знаме на концерт и видео од бомбардирањето со коментар: „Ова видео боли“.
View this post on Instagram
„Мора да се запре бесмислената и од алчност поттикната руска инвазија во Украина. Ве молам, испратете хуманитарна помош за да им помогнеме на граѓаните во Украина, чии животи се погодени од оваа криза во моментов. Путин ги прекрши сите човекови права. Путин нема право да се обидува да го избрише постоењето на Украина. Ве поддржуваме претседателе Зеленски! Се молиме за вас и за вашата држава. Бог да ве благослови сите!“, вели Mадона.
View this post on Instagram
Нејзиниот поранешен сопруг пак, глумецот Шон Пен, е лично во Украина за да документира и „да му ја покаже на светот вистината за руската инвазија“, според зборовите на претседателот Зеленски.
