Актерот Жарко Лаушевиќ денеска во 14 часот на Новите гробишта во Белград беше испратен на вечното почивалиште.
Целата актерска сцена дојде да се прости од саканиот колега и пријател. За Жарко Лаушевиќ актерите донесоа црвени и бели рози, многумина сметаат дека тоа е поради маестралната улога на Жарко на Петар во филмот „Офицер со роза“, кога носеше две рози, едната за Љиљана, другата за Матилда.
Лаушевиќ во вечното почивалиште беше испратен со говор на неговиот колега и многу близок пријател Небојша Дугалиќ, како и со најтажната песна. Станува збор за легендарната песна од југословенската телевизиска серија „Сивиот дом“ од 10986 година „Се што сакам во овој миг“ (Све што желим у овом тенутку). Во серијата, една од главните улоги ја имаше тогаш младиот и блескав глумец Лаушевиќ.
Жарко Лаушевиќ почина на 63-годишна возраст од рак на белите дробови.
Пред збогувањето во 11 часот се одржа комеморација на која бројни колеги му оддадоа почит на актерот.
