Американскиот режисер Квентин Тарантино, кој го планира последниот филм во својата кариера, сака да му даде улога на 68-годишниот Брус Вилис во последниот филм што ќе го режира насловен „Филмскиот критичар“, давајќи му можност повторно да се појави на филмското платно пред двајцата да се пензионираат, пишува The Daily Express.
Претходно, актерот и режисерот работеа заедно на култниот Pulp Fiction, а сега Квентин планира да му даде на Брус мала улога во Филмскиот критичар.
Според новинарите, Тарантино сè уште не разговарал со семејството на актерот, тој планира да ги почитува нивните желби ако кажат дека Вилис е премногу болен за да учествува во неговиот последен филм, тоа ќе го почитува, а доколку прифатат – тогаш и за Вилис ќе има можност да се појави во својот последен филм.
Режисерот откри дека Филмски критичар е филм за порно новинар сместен во Јужна Калифорнија во 1977 година. Прототипот на главниот лик бил вистински филмски критичар на порнографско списание, кое и самиот режисер добил прилика да го чита.
„Сè друго беше премногу одвратно за читање, но постоеше овој порнографски весник кој имаше навистина интересна филмска страница. Во него се пишуваше за популарни филмови и беше своевиден филмски критичар. Всушност, мислам дека беше многу добар критичар. Тој беше циничен како пекол. Неговите критики беа спој помеѓу Хауард Стерн и она што Тревис Бикл можеше да биде ако беше филмски критичар. Помислете на записите во дневникот на Тревис. Но, овој порно критичар беше многу, многу смешен. Тој беше истовремено и многу груб, знаете. Тој пцуеше Употребуваше секакви навреди, дури и расни. Но неговото с*ање беше навистина смешно. Беше пеколно безобразен, пишуваше како да има 55 години, но имаше само 30-тина. Почина млад, во доцните 30-ти, мислам дека причината за прераната смрт беа здравствени компликации поради алкохолизам“, изјави Тарантино.
Брус Вилис пак, минатата година ја заврши својата актерска кариера. Ова се случи откако му беше дијагностицирана фронтотемпорална деменција.
Квентин Тарантино изјави дека до 60-тата година ќе го сними својот 10-ти филм и ќе се повлече од киното. Во март се дозна дека го завршил сценариото. Сепак, штрајкот во Холивуд може да предизвика поголемо одложување на претходно закажаното снимање.
