Кралот на Обединетото Кралство и 14 други земји од Комонвелтот, директниот наследник на Елизабета Втора, 75-годишниот Чарлс III, го нарече својот најмлад син Хари „будала“. Ова се наведува во книгата „Endgame: Inside the Royal Family and the Monarchy’s Struggle for Survival“ од Омид Скоби, пишува Њујорк пост.
По објавувањето на документарната серија на Нетфликс во 2022 година, „Хари и Меган“, односите во кралското семејство се нарушени, се тврди во книгата, а повеќето членови на кралското семејство го промениле своето однесување кон принцот Хари.
Ако пред ова, 75-годишниот Чарлс Трети молчеше и не го коментираше животот на својот 39-годишен син, сега отворено му се смее в лице. Кралот отворено го критикува својот син, па дури и го нарекува „будала“, се вели во книгата.
Во книгата, Скоби отворено го открива семејниот конфликт меѓу таткото и синот. Сепак, не е тајна дека конфликтот не е само меѓу кралот и синот, туку и меѓу браќата Вилијам и Хари.
„Откако Меган Маркл влезе во животот на кралското семејство, се се промени во односите на семејството“, се вели во книгата.
Потсетуваме дека семејниот конфликт одамна е јавна тајна. Откако Хари и Меган го напуштија кралството и се откажаа од своите титули, ситуацијата само се влоши. Минатово лето, Хари и Меган не ги ни донесоа децата на одмор кај својот дедо, што било традиционално практика со децении наназад.
