Еден, ама вреден – доказ за несовршенство
Периодов Џенифер Лопез сигурно ви излегува и од фрижидер. Вниманието на целата јавност е свртено кон неа поради раскинувањето со Алекс Родригез и враќањето на старата љубов – Бен Афлек. Жените се прашуваат: „Како е возможно да изгледа совршено кога ја ситни шестата деценија?“, а на мажите, пак, не им е јасно: „Кој е понаивен, Алекс или Афлек?“ И нормално е на обичните смртници да не им се јасни нештата кои се случуваат таму некаде на црвениот тепих.
Она што со сигурност го знаеме, е дека позади славните личности стои екипа од преку 100 луѓе, што внимаваат на секој детаљ, од будење до легнување. И веројатноста е голема дека секој од нас, кога би ја имаал таа екипа, би изгледал онакак како што тие изгледаат – секое влакно на своето место. Покрај изгледот за кој води сметка екипата, тие имаат и цел тим што ги води нивните профили на инстаграм, бидејќи секако, не смее да „летне“ нешто по грешка. Оттука се поставува прашањето: дали оваа фотографија, на која Џеј Ло ни малку не наликува на себе, е оставена намерно и со цел да ни покаже нам обичните дека и таа е таква, или е ПР грешка? Јасно е дека покрај вас ќе се разбудии Џеј Ло од спорната фотографија, а онаа другата – останува да ја гледаме на Инстаграм и на настапите и да ѝ се воодушевуваме, што е легитимно право, бидејќи, рака на срце, секако е згодна и млада за годините што ги носи!
