Поп ѕвездата Јелена Карлеуша првпат отворено проговори за крахот на долгогодишното пријателство со својата колешка Марија Шерифовиќ.
Гостувајќи во емисијата „Амиџи шоу“ на ТВ Пинк, таа без двоумење ја раскажа вистината за прекинот на нивниот однос.
„Не сум се слушнала со неа. Ќе бидам искрена… Издадов два албума и видов дека Марија, која ја сакав како родена сестра и секогаш бев тука за неа, лајкувала коментар на социјалните мрежи кој мене ме исмеваше и навредуваше. Тоа многу ме заболе, и како човек и како колешка. Ја отследив. Знаеше низ каков пекол минувам, наместо поддршка добив удар. Тоа беше крај на нашето пријателство,“ призна Карлеуша.
Карлеуша објасни и зошто прифатила да биде дел од жирито во шоуто „Пинкови ѕвезди“.
„Сметам дека беше голема грешка што со години не бев на Телевизија Пинк. Со срце го прифатив повикот. Сакав луѓето повторно да ме видат во вистинско светло, бидејќи за мене има многу предрасуди и неправди. Триесет години сум на сцена, а немам ниту еден мирен месец,“ рече пејачката.
На прашањето за поранешниот сопруг Душко Тошиќ, Карлеуша кусо одговори: „Имаме две прекрасни ќерки, но не, не сме во контакт“.
За можноста да учествува на „Песна за Евровизија“ следната година, пејачката остана мистериозна: „Нека тоа остане мала тајна и тема за размислување.
