Некој кој поради лудило одзема толку животи не заслужува живот и неговото постоење на оваа планета повеќе нема цел, истакнува српската пејачка.
Јелена Карлеуша се огласи на Инстаграм каде објави фотографија од масовниот убиец од Младеновац, Србија, и побара смртна казна за него.
Ова е уште една во низата грозоморни трагедии кои ја снајдоа Србија во изминатите два дена, а бројни јавни личности на своите профили на социјалните мрежи ја изразија својата тага поради овој немил настан.
– Мислев дека никогаш нема да го напишам ова, но ова суштество не заслужува да живее и еден ден да се врати во заедницата – напишала Јелена.
Таа додаде дека „ова суштество и чудовиште не може да се рехабилитира и затоа заслужува смртна казна“.
– Некој кој од лудило одзема толку многу животи не заслужува живот и неговото постоење на оваа планета повеќе нема цел – истакна пејачката.
Потсетуваме, во нападот што се случи во четвртокот вечерта во Младеновац, во две околни села, загинаа осум лица. Меѓу жртвите има полицаец (20), неговата сестра и уште еден млад човек (21), а има 13 ранети, како што пренесуваат српските медиуми.
