Фолк-пејачот Ѓоко Јовиќ кој е татко на четири деца, имал тешко детство, а сега сподели лична семејна приказна.
Јовиќ е еден од најангажираните на настапи, турнеи и сите видови веселби, а кога ќе дојде дома го чека неговата петорка, четирите деца: Теодора, Михаил, Јоан и Дарин, и неговата сопруга Ивана.
Во една прилика, Јовиќ се има отворено за своето детство и за земјоделските работи кои ги работел:
-Како што знаете, потекнувам од Валандово. Во минатото моите родители се занимавале со земјоделие во кое преовладувал тутунот. И јас сум го работел тоа, знам колку е тешко и затоа ги ценам луѓето кои ја одржуваат во живот таа земјоделска култура“, рекол Јовиќ во Женски магазин па додал:
-Не се срамам да зборувам за моето минато и секогаш сум подготвен повторно да го работам тоа. Заради школувањето и подобра егзистенција заминав во Скопје, каде што преку навистина трнлив пат успеав да се пробијам и да се изградам како личност.
Се оженив и Бог ми подари прекрасни дечиња и сопруга со неверојатно разбирање, па тука и останав да живеам. Животот не ми беше секогаш благонаклонет, но сега сум успешен човек, среќен татко и сопруг и најсреќен човек на светот“, рекол Ѓоко Јовиќ.
На неговиот 39. роденден тој објави слика со семејството и напиша: „Среќен ми роденден“, до сликата со среќното семејство и роденденската торта.
